Hamar garaipen eta zapi berdinketari esker, liga amaitzeko zortzi norgehiagoka falta direla, igoera hiru puntu eskasera dute getxoztarrek. Garaipena, berriz, puntu bat urrunago dago. Gainera, jasotako baino 17 gol gehiago sartu dituzte bai Azkorrikoek, bai liderrak diren lekeitiarrek. Galeak hiru partida jokatu ditu astebeteko epean, eta emaitza bikainaz erantzun dio presioari. Martxoaren 15ean eta 22an ohiko 25. eta 26. jardunaldietako lehiak izan ziren. Hilaren 19an, ordea, Bizkaiko eta Euskadiko futbol-federazioek deitutako grebagatik atzeratutako partidan lehiatu ziren. Lehenengo norgehiagokan San Inazio 2-1 hartu zuten mendean Boluen. Pasa den eguenean, berriz, 1-0 irabazi zion Uritarrari, eta azken deman, liderragaz berdindu zuten, 1-1.