Izen handiko musikariak aurtengo Getxo Jazzen

Erabiltzailearen aurpegia Hiruka 2015eko martxoaren 27a

Ylativ Algo Quintet taldeak irabazi zuen iazko talde lehiaketa. © GETXOKO KULTUR ETXEA

Getxoko Kultur Etxeak da­bor­du­ko ezagutzera eman ditu Ge­txoko 39. Nazioarteko Ja­zzal­dian par­te hartuko duten mu­si­karietako ba­tzuk. Hala, jai­al­diaren le­he­nengo egunean, uztailaren 1ean, gaur egungo eszenako tronpetista na­bar­­menetarikoa den Avishai Cohen isra­eldarrak joko du. Hilaren 2an, agertoki nagusira igoko da Stanley Jordan gitarra-jotzailea, "jazz fusion" delakoaren erakusle eta "tapping" izeneko teknikaren maisua. Hilaren 3an, Joe Lovano estatubatuarraren txanda izan­­go da, orain dela hiru hamarkadatik ho­na saxo tenorearen erreferentzia bilakatu dena; eta hilaren 4an, Lovanoren herrikide Stanley Clark izan­go da protagonista, jazzaren es­ze­nan baxu elektrikoa sartu duten aitzin­darietako bat. Azkenik, uztailaren 5ean, Madeleine Peyrouxjazz eszenaren abeslari nagusienetakoak abestuko du. Jazzaldirako sarreren salmenta maiatzaren 4an, astelehenean, hasiko da, ohiko salmenta-guneetan: Kutxabankeko orotariko kutxazainetan, Kutxabank.es webgunean, Algortako kultur etxean eta 944 914 080 telefono zenbakiaren bidez (Kultur Etxea).

Kontzertu nagusiez gainera, talde lehiaketako eta Hirugarren Milurtekoa ataleko saioak zein jam session delakoak ere egongo dira. Talde lehiaketari dagokionez, aur­ten, guztira, 18 he­rrialdetako 55 taldek parte hartu du­te aurreneko fasean, eta, ho­rien artean, aurtengorako ondorengo taldeak hautatu di­tu epai­mahaiak: EYM Trio (Frantzia), Fe­derico Nathan Quinteto (Herbehereak-Uruguai) eta Maciek Wojcieszuk Quin­tet eta Grzegorz Wlodarczyk Paris Quartet poloniarrak. Aukeratutako bandek uz­­tai­laren 1etik 4ra jardungo dute le­hiaketako lehenengo sa­ria eskuratzeko lehian. Irabazleak berriro jo­ko du azken egunean.

Txapeldunek 3.750 euro ja­soko dituzte eta diskoa gra­batuko dute zu­zenean. Bigarren sa­riari 1.500 euro dagozkio, eta bakarlaririk one­nari 750 euro. Sariez gain, irabazleek Lo­vai­nako (Flandria) ja­zzaldian parte hartuko dute, Getxo Ja­zzek jaialdi ho­rregaz duen akordioari esker.

Juan Carlos Cifuentesi gorazarre

"Cifu" ezizenez ezaguna zen Juan Clau­dio Cifuentesen heriotza tamaldu du­te Getxoko Kultur Etxeko langileek. Pren­tsa-ohar bidez adierazi dutenez: zen­dutako laguna jazz-musikaren za­bal­kundearen erakusle handia izan zen, eta 1990etik aurrera Getxoko Ja­zzaldiko kolaboratzaile-lanetan jar­dun zuen. Zehaztu dutenez, 25 ur­te baino gehiagoz, Ci­fuentes talde-le­hia­ketako hautatze-batzordeko eta epaimahaiko kidea izan zen. Getxo Jazzegaz harreman estua zuen eta jaial­diaren “enbaxadore” jarduten zu­en Euskal Herritik kanpo ere bai. Ondas saria jaso zuen 2010ean.

Kultura Getxo
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun