Udalak 2011n desjabetu zituen lurzoru horiek. Jabeak ez zeuden ados, eta Udalak Nahitaezko Desjabetzeko Lurralde Epaimahaira jo zuten. Horrek lursailen balorazioa bermatu eta prezioa 263.000 euroan finkatu zuen. Ugazabek erabaki horren aurka helegitea aurkeztu eta lursailei urbanizagarrien balioa emateko eskatu zuten: 12 milioi euro. Orain, EAEANk epaia eta ordainketa berretsi ditu. Lursailen lehengo jabeek Auzitegi Gorenean kasazio-errekurtsoa aurkez dezakete oraindik. Hori egin ezean, epaiak behin betiko emango dio amaiera auzi horri.
EAEko Auzitegi Nagusiak Galeako lursailak landa-lurzoru legez sailkatuta jarraitzea berretsi du
Getxoko Udalak Galeako lursailak desjabetzeko ordaindutako 263.000 euroak berresten duen epaia plazaratu du Euskal Autonomia Erkidegoko Justizia Auzitegi Nagusiak (EAEAN). Hala, epaiak lursail horien lehengo ugazaben gura nagusia errefusatu du, hau da, Galeako gotorleku, itsaslabarreko goialde eta udal hilerriaren arteko lursaila urbanizagarri izendatzea. Hori landa-lurzoru legez sailkatuta dago, eta urbanizagarri bezala baloratuz gero, 12 milioi euroko kalte-ordain oso baterako bidea emango luke.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun