Aipatutako galeria horiek Euskal Herriko 19. mendeko historia azaltzen laguntzen duen gunea da. Bisitariak kanpoaldeko dorretik sartuko dira eraikinaren barrualdera, galerien areto nagusira. Bertan, gidariek tokiaren historia, bertan egiten dabiltzan lanen nondik norakoak eta orain arte lortutako emaitzak azalduko dizkiete bisitariei, hainbat informazio-panelen laguntzagaz. Horrez gainera, eraikinagaz nolabaiteko harremana duten pertsonen testigantzak, tartean jatorrizko jabea zen Horacio Echevarrietaren bi ilobena, jasotzen dituen bideoa emango dute.
Bihar abiatuko dituzte Begoñako galeriak ezagutzeko bisita gidatuak
Arriluzeko Begoñako galeriak ezagutzeko bisita gidatuak abiatuko dituzte bihar, hilaren 2an. Eraikin historiko hori Punta Begoña izenagaz ezaguna da, eta horrek gordetzen dituen sekretu ezezagunak, historia, pintura, esanahia eta sinbolismoa erakutsiko dizkiete bisitariei. Halaber, bertan lehengoratzeko egiten dabiltzan lanak ezagutzeko aukera egongo da. Guztira, 66 bisita programatu dituzte apiril osoan, goiz eta arrastiz, 12:00etan eta 18:30ean astegunetan, eta 11:00etan, 12:00etan, 17:30ean eta 18:30ean aste akabuetan. Bisitak herritar guztiei zuzenduta daude, baina aldez aurretik eman beharko da izena. Uztaila-abuztua aldean "makro-bisitak" egingo dituztela iragarri dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun