Hilketa 18:00ak inguruan jazo zen, Gasteizko Ricardo Buesa kalean dagoen etxebizitza batean, Segurtasun Sailak jakitera eman duenez. Gizonak labana bat erabili omen zuen emakume gaztea hiltzeko. 18:05 aldera, gizona kalera atera zen, Ertzaintzaren patruila baten ondora hurbildu, eta emaztea hil zuela aitortu zien ertzainei. Agenteak etxebizitzara bertaratu ziren, eta emakumea hilda zegoela egiaztatu zuten. Krimena egiteko antza erabili zen labana ere etxean aurkitu zuten. Gizona atxilotu egin zuten. Indarkeria matxistak 2015ean Euskal Herrian utzitako lehen biktima da Gasteizkoa. Hiru seme-alaba zituen emakumeak.
Gasteizko emakumearen erailketa salatuko dute bihar Algortan
Ustez bere bikotekideak hil zuen eguen arrastian Gasteizen 29 urteko emakumea. Erasotzailea, 34 urteko gizoza, Ertzaintzaren komisarian dago atxilotuta. Hilketa delitua egotzi diote gizonezkoari eta zapatu honetan eramango dute ziurrenik epailearen aurrera, Eusko Jaurlaritzaren Segurtasun Sailak jakitera eman duenez. Hala, biharko, kontzentrazioa deitu du 12:30erako Telletxe plazan Algortako Bilgune Feministak. Gasteizko Udalak erailketa gaitzesteko elkarretaratzea deitu du martitzenerako (hilak 7), 12:00etan, Espainia plazan. Talde feministek, bestalde, kontzentrazioa egingo dute Andre Maria Zuriaren plazan bihar bertan, 20:00etan. Emakundek, Bilgune Feministak eta beste hainbat eragilek parte hartzeko deia egin die herritarrei.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun