Itzubaltzetako Gazte Asanblada auzoko prekarietatea ikertzeko eta hori azaleratzeko lanketan murgilduta dago. 2014-2015 ikasturtearen hasieran, galdetegi bat zabaldu zuten auzoko neska-mutilen artean Itzubaltzeta / Romoko gazteriaren egoeraren inguruko datuak jasotzeko asmoagaz. “Hasiera izan duen eta luzerako den prekarietatearen inguruko borroka honek 'moskeo' kanpaina bategaz hasi zen”, azaldu dute gazte asanbladako kideek. Ondoren, auzoan zehar informazioa zabaltzen hasi ziren. Gazteriari “prekarietatearen aurpegi guztiak erakutsi” ostean, galdetegian jasotako datuak kaleratzen hasi dira IGAko kideak.
Horretarako, hainbat ekimen antolatu dituzte, hala nola bideo bi egitea.
Lehenengoan, herriko gazte batek pairatzen duen egoera agertzen dute:
Bigarrenean, aldiz, “gazteen prekarietatearen errudunak diren ente batzuk” erakutsi nahi izan dituzte, auzoko gazteriari deialdia eginez lanketan parte hartzeko “Itzubaltzetan lan, bizi eta ikasi” lelopean:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!