Oraintsu Azebarriren web gunean Amezagak gogoratu duenez, Getxo udalerrian 22.000 bat euskaldun bizi dira, biztanleriaren %28. Euskaldunok kopuruan hazteagatik datua «pozgarritzat» jo arren, erabilerari dagokionez «arazo larri bat» planteatzen duela dio irakasle algortarrak. Izan ere, «euskaldunak inoiz baino sakabanatuago daude erdaldunen artean», dioenez. Era bikoitzean, gainera, udalerrian ematen den sakabanatzeari askotan etxeetakoa ere gehitu behar baitzaio. Euskaraz bizi ahal izateko, erabakia eta Azebarri moduko harreman sareak behar direlakoan dago.
Euskararen arnasguneez hausnartuko dute Algortan
Azebarri kultur elkartea bueltan dator, eta ez edozein modutan, gainera. Azken hileotan barne lanetan murgilduta ibili ostean, proposamen garrantzitsua egingo diete Algortako eta eskualdeko euskaltzaleei. Hilaren 22an, eguaztena, 19:30ean, Ekin tabernan, "Euskararen arnasguneak, erabileraren erronka" gaitzat hartuta, kafe-berbaldian jardungo dute Jon Sarasua Mondragon Unibertsitateko irakasleak, Josu Amezaga EHUko irakasleak, Aiora Zulaikak "Pirritx" eta Mertxe Rodriguezek "Marimotots" pailazoek. Moderatzailea Fredi Paya bertsolari eta Azebarriko kidea izango da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun