Ohiko zortziko ligak hamabi jardunaldi izango ditu maiatzaren 2tik uztailaren 31ra. Erandioko Goiherri taldeak bi zortzikote zelairatuko ditu kategoria guztietan, 680, 640, 600 eta 560 kilokoetan, alegia. Haien aurka jardungo dute Mutrikuko talde banak eta Laukizko Gaztedi elkarteko hiruna zortzikotek. Lehia zuzenean ikusi ahal izango da Uribe Kostan egingo diren saioetan. Izan ere, ekainaren 13an, zapatua, Erandioko Martiartu auzoak hartuko du 640 kiloko bigarren kanporaketa. Herri bereko San Kristobalen, berriz, 600 kiloko finala jokatuko da uztailaren 11n, zapatuan. Azkenik, 560 kiloko bigarren norgehiagoka Berangon izango da, uztailaren 25ean, zapatua.
Datorren maiatzaren 2an hasiko da Lur Gaineko Euskadiko Sokatira Txapelketa, Berriatuan.
Getxo Sokatira Taldea ez da txapelketan izango, baina lehia ofizialaren aurretik bihar, zapatuan, egingo den 4x4 erakustaldian parte hartuko du, 300 eta 320 kiloko kategorietan. Hitzordua zapatuan, goizeko 11:30ean izango da, Gatikako elizaren ondoan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun