Domeka honetan, hilak 10, Argeliako Tindouf-eko kanpamenduetako errefuxiatuen aldeko Herri Krosa egingo dute Getxon. Ohi legez, Atfal Sahararen aldeko elkarte getxoztarrak eta Getxo Atletismo Klubak antolatu dute ekimen hori, Udalaren laguntzagaz. Aurten, lasterketaren irteera eta helmuga Ereagako hondartzan izango da. Izen ematearen prezioa bost eurokoa izango da, eta Algortako Kantxa Kirol Modan zein Bikila kirol dendan (Bilboko Euskalduna, 7) egin ahal izango da; baita lasterketa hasi baino 20 minutu lehenago ere.
15 urtetik gorako korrikalariek goizeko 11:10ean aterako dira, eta 8 kilometroko ibilbidea egin beharko dute: Ereaga-Portu Zaharra-Ereaga-Bizkaia Zubia-Ereaga. 11 eta 14 urte arteko korrikalariek, berriz, 10:55ean aterako dira, eta 1.500 metro egingo dituzte. Txikienek (10 urte artekoak) 10:45ean hasiko dira korrikan, eta 600 metro egingo dituzte.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!