Era berean, EAJren eta esleitutako hainbat enpresen arteko lotura salatu dute. Hori horrela, alderdi politiko horren ustezko “funtzionario-eroskeria” mahaigaineratu dute: “EAJren alkateen inputazioen zerrenda handia da, eta eskandaluek herri baten moldea ezkutatzen dute: De Miguel auzia, Hiriko kasua, Epsilon kasua eta Super Sur kasua”. Horrez gainera, Ibarbengoako metro geltokiaren kasua gogorarazi dute, “gaur egun kondenatuta dagoen Jabier Fernandez promotoreak operazio predatzaile horregaz etekinak atera baitzituen”.
Azken urteotan EAJk indarra galdu duela diote GUKekoek. Hala ere, jeltzaleek euren “interesen arabera” jokatzeko PSEren eta PPren kolaborazioa izan dutela salatu dute: “hiru alderdi horiek, EAJ, PSE eta PP, gobernatzen edo oposizio konplizean, euren interesen arabera garraiatu dute Getxo azken berrogei urteotan”.