Guztira, 150 bat lagunek parte hartu dute gaur, eguena, Algortako Telletxe plazan egiten dabiltzan Berbodromoaren goizeko bi saioetan, Getxoko Udalak jakinarazi duenez. Egizu eta Bizarra Lepoan elkarteek eta Lauaxeta AEK, Jose Antonio Agirre eta Lekube eta udal euskaltegiek antolatu dute egitasmoa; eta horren helburua herritarrak elkartzea eta euskaraz berbetan jartzea da, euskara kalera ateraz.
Berbodromoan hainbat talde osatzen dira, dinamizatzaile bategaz, eta parte hartzaileek 15 minutu izango dituzte gai bakoitza jorratzeko; gai batetik besterako tartean, parte-hartzaileak mahai batetik beste batera mugituko dira, berbalagunak aldatu ahal izateko.
Hurrengo saioak arrastiko 17:00etan eta 19:00etan izango dira.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
