Cuerdeando taldearen ekimenez, domekan, ekainak 7, Getxoko gimnasia erritmikoko bigarren txapelketa jokatuko da, Fadura kiroldegian. Bertan, goizeko 10:00etatik arrastiko 14:00etara hainbat kategoriatako 90 bat gimnastek erakustaldia egingo dute, besteak beste: Getxo, Sakoneta eta Cuerdeando eskualdeko klubetako gaztetxoek, kimuek, haurrek, kadeteek eta seniorrek jardungo dute Faduran. Ekitaldiari amaiera emango diote Cuerdeando talde-antolatzailearen erakustaldiak eta dominen banaketak.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!