Domeka honetan, ekainak 14, Filipinen independentzia aldarrikapenaren 117. urteurrena ospatuko dute bigarren aldiz Itzubaltzeta / Romon eta Areetan, SIKAP EAEko filipinarren elkarteak antolatuta. Hala, 11:00etan, independentzia meza egingo dute San Jose elizan. Arrastian, kulturen arteko desfilea egongo da, 17:00etan, Bizkaiko Zubian hasita; kalejira Xake plazan amaituko da. Bertan, jaialdia egingo dute 17:45etik 21:00etara bitartean. Horretan, besteak beste, dantza-ikuskizuna, tailerrak, erakusketa eta Filipinetako gastronomia-dastaketa egongo dira.
SIKAP elkartea 2009an sortu zuten, filipinarren eta getxoztarren arteko elkarkidetza sustatzeko.
1898ko ekainaren 12an Filipinak Espainiatik independizatu ziren. Ondorengo urteetan, Amerikako Estatu Batuek bereganatu zuten lurraldea. 1946ko uztailaren 4an, uharteen independentzia onartu zuten
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!