Eguazten honetan, ekainak 17, "Recordando a Nino Bravo" izenburuko kontzertua eskainiko dute Serafin Zubiri, Laia Banaches eta Felipe Garpe abeslariek, Areetako Andres Isasi Musika Eskolako Bandarekin batera. Hitzordua arrastiko 07:30ean ipini dute, Algortako Bihotz Alai plazan; eta sarrerak 5 euroan daude salgai, kultur etxean bertan eta Kutxabank-en bidez. Alfontso Vilak zuzenduko du Andres Isasi Musika Eskolako Banda.
Getxoko Kultur Etxeak azaldu duenez, Recordando a Nino Bravo kontzertuak 70eko hamarkadara eroango ditu entzuleak, “belaunaldi oso batek ahaztu ezin dituen abestien eskutik”: “Cartas amarillas”, “Un beso y una flor”, “America”, “Noelia”...
1944an jaio zen Luis Manuel Ferri Llopis (Nino Bravo ezizenez ezaguna), Ayelo de Malferit herrian (Valentzia). 28 urte baino ez zituela, trafiko istripu batean hil zen.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
