Bitartean, jai-batzordeak deitutako musika lehiaketan CDak eguaztenera arte, ekainak 17, aurkeztu ahal izango dira, oinarriek zehaztu legez. Lehiaketa horren irabazlea jai batzordeko kideek erabakiko dute, epaia uztailaren 2an publiko egingo dela. Nagusitzen den taldeak jaietan lehenengo mailako banda bategaz jo eta 150 euroko saria izango du.
Abuztuaren 2an eta 4tik 9ra ospatuko dira aurten Itzubaltzeta / Romo eta Pinuetako jaiak. Horri begira, bertako jai-batzordeak herri-bozketa antolatu du gaurko, festei irudia jarriko dieten hiru elementu aukeratzeko: jai kamisetak alaituko dituen marrazkia, zapietan erreproduzitzeko logoa eta 3.000 jai-liburuxken azala izango den irudia. 16 diseinu daude aukeran. Hautetsontzia San Jose elizako atarian kokatuko dute eta goizeko 12etan irekiko da. Pertsona guztiek izango dute kategoria bakoitzean behin bozkatzeko aukera, beti ere argazkidun txartelen bat erakutsiz gero. Umeek, besterik ezean, familia liburuagaz bozkatu ahal izango dute. Bozketa 18:00etan itxiko da eta ondoren zenbaketari ekingo dio jai-batzordeak. Hori bukatuta, aurtengo irabazleak jakinaraziko dituzte.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun