Bestalde, domekan bertan, arrastian, VIII. Getxoztar Abesbatzen Eguna ospatuko dute Algortako Bihotz Alai plazan, 18:00etatik aurrera, eta sarrera, doan. Kultur Etxeak azaldu duenez, bertoko abesbatzei omenaldia egiten diete ekimenaren bidez, musika korala zabaltzeko egiten duten ahaleginagatik. Aurten, abesbatza hauek hartuko dute parte: Biotz Alai, Areetxo, Tangorako Soinutarrak, Kimetz, Itxartu, Gorrondatxe, Eskuz-Esku, Ondarreta, Gizatiar, Erromoko Kantariak, Zozoak, Andres Isasi Musika Eskolako abesbatza eta Irutasun.
Getxoko Dantza Eguna izeneko ekimenak bertako eskola eta akademietako 200 bat ikasle batuko ditu ekainaren 19tik 21era, Algortako Bihotz Alai plazan, Kultur Etxeak jakinarazi duenez. Dantza-erakustaldi zabala eskainiko dute horiek denek; besteak beste, koreografia garaikideak, klasikoak, neoklasikoak eta dantza flamenkoa egongo dira ikusgai. Hala, barikuan, Dantzarte igoko da agertokira, 20:00etan. Zapatuan, ostera, emanaldi bi egongo dira: bata, 18:00etan, eta bestea, 20:30ean, Carmen Veraren eta Ana Lararen dantza eskolen ekimenez, hurrenez hurren. Amaitzeko, domekan, Areetako Flamenko Eskolako kideek dantzatuko dute, 12:00etan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun