"Blas de Lezo" gerraontzia domekara arte egongo da Getxoko uretan. Izan ere, domekan bertan, Abrako Itsas Errege Klubak Borroka Bandera delakoa emango dio fragatako tripulazioari. Pedro Morenes Espainiako Defentsa ministroa izango da ekitaldiaren buru.
Gaur eguerdian heldu da Getxora Espainiako itsas armadaren "Blas de Lezo" fragata. Abrako Itsas Errege Kluba aukeratu dute ontzia omentzeko; hori horrela, klubeko hainbat nabigatzaile euren ontziakaz atera eta fragatari harrera egin diote. Bitartean, Algortatik Hanka indar errepresiboen kontrako mugimenduak ere bere "ondoetorria" egin dio; hala, Euskal Herrian ez dituztela gura aldarrikatzeko, dozenaka lagun bertaratu dira Getxoko kirol portuko itsasargira. Sortuk, EH Bilduk eta beste hainbat eragilek mobilizazio horregaz bat egin dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun