“Dei egiten diogu euskal herri errebeldeari, zapalkuntza ororen aurka borrokan ari den herri desobediente horri, eta nazioarteko mugimendu konprometituei, irailean Espainiako Estatu inperialistaren aurkako herri epaiketak burutzera”, adierazi dute Askapeneko auzipetuek, 160 pertsona inguruk lagunduta.
Urriaren 19an hasiko da Askapenaren aurkako epaiketa; Fiskaltzak seina urteko espetxe zigorra eskatu du Gabi Basañez Ruiz algortarra, Walter Wendelin, Unai Vazquez Puente, David Soto Aldaz eta Aritz Gamboa de Miguel erakunde internazionalistako kideentzat. Gainera, Askapenaren ilegalizazioa eta Askapeña Bilboko Konpartsa, Elkartruke eta Herriak Aske elkarteen disoluzioa ere eskatu du. Epaiketari aurre egiteko, Herriak Libre dinamika aurkeztu dute gaur Gasteizen egindako agerraldian. Uste dute "Espainia ez dela inor" euskal herriko militante politikoak epaitzeko, eta Estatua bera epaituko dute bere jardun “inperialistagatik”. Udan hainbat epaiketa antolatuko dituzte auzo, herri zein bailaratan, eta irailean hartuko dituzte kaleak eta herrietako plazak. Herriz-herri gauzatuko diren dinamika horiek denak urriaren 12an, Hispanitatearen Egunean, bilduko dituzte ”sententzia” bakar batean.
Erlazionatuak
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun