Datorren uztailaren 24ra arte zabaldu du Getxoko Udalak Gobelaurre Boluntariotza Zentroko lokalen doako erabilpena lortu ahal izateko eskaerak aurkezteko epea. Zentro hori Udal Gizarte Zerbitzuetako arloan lan egiten duten elkarteei zuzenduta dago. Deialdi horregaz, lana udalerrian burutzen duten entitateei lagundu nahi du Udalak, beren jarduera aurrera eramateko lokala utzita. Lokalen erabileraren emakida eskatzeko hurrengo baldintzak bete beharko dira: izaera propioa izatea, etekin asmorik gabekoak izatea, Getxoko Udalean edota Eusko Jaurlaritzan erregistratuta egotea, zerga-betebeharren betearazpena eguneratuta izatea, izaera sozialeko helburuak eta egitura ireki eta parte-hartzailea edukitzea, eta jarduera nagusia Getxotik eta Getxorako eramatea.
Zentroak 463 metro koadroko azalera du eta egoitzetarako 12 lekuak, aldi baterako jardueretarako espazioak (tailerrak, prestakuntza-ikastaroak...) eta noizbehinkako jardueretarako espazioak (jardunaldiak, bilerak...) ditu. Horietako lekuren bat nahi duenak eskaera egin beharko du HABetan edo Gizarte Zerbitzuek Urgull kalean duten egoitzan, 08:00etatik 14:00etara.
Udalak, egoitza bezala erabiltzeko doako lagapena 2016ko abuztuaren 31ra arte luzatzea onartu die hurrengo elkarteei: ANOTHE, Sarekide, Getxoko Etorkinak Plataforma Federazioa, Gizatiar, AHIDA, Bizkel, Moviendote eta ASEBI.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.