Era berean, udal webgunean gaur egun erabiltzen ez diren lokalen errolda bat sortzea eskatuko du, horietako bakoitzaren xehetasunak azalduz, udalerrian euren jarduera ekonomikoak aurrera eraman nahi duten inbertitzaileen artean “espazio horien ikusgarritasuna eta erakargarritasuna errazteko”. Sainzen arabera, neurri hori “ez da oso garestia, eta oso onuragarria izan liteke Getxoren interesetarako”.
Hirigintza-proposamen garrantzitsuetan herritarren parte-hartzea gura du Ciudadanosek
Santiago Sainz Getxoko Ciudadanoseko zinegotziak iragarri duenez, bi mozio aurkeztuko ditu bariku honetan izango den osoko bilkuran. Lehenengoa, “birsortze politikoan” oinarritzen dela azaldu du, “herritarrek gobernatzeko erabaki garrantzitsuenetan parte hartu ahal dezaten”. Hori horrela, Sainzek “aurrekontuen %10 gainditzen duten hirigintza-proposamenetan herritarren berrespena beharrezkoa izatea” proposatuko du. Iragarri duenez, erabaki horiek “modu errazean” eraman daitezke aurrera, bai ohiko posta zerbitzuaren bitartez zein Udalak ahalbidetutako leku zehatzen bitartez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun