Atzo, lehenengo taldeagaz ikusi ahal izan genituen Carlos, Pablo, Txolo eta Murua gazte mailako jokalariak entrenatzen. Bestalde, "Bolo" kontzientea da play-off-en eraginez beranduegi abiatu dutela denboraldia eta horregatik denbora berreskuratzeko apustua egin du. Gauzak horrela, aste honetan egunero izango dituzte entrenamendu saioak. Gainera, gaur eta barikuan, goizez zein arratsaldez.
Harrobiari arreta jarri dio "Bolo"-k
Atzo arrastian abiatu zuen Arenasek denboraldia, lehenengo entrenamendua eginez. Oraindik orain, lantaldea osatu barik dauka Jon Perez "Bolo" entrenatzaileak, bere kontratua berriztu duena. Kluba oraindino jokalari berriak ekartzeko lanean da, eta abuztuaren 23a izango dute horretarako epemuga, egun horretan liga abiatuko baitute, Gernika hartuz. Oro har, Bigarren B Mailara igo zen taldeak jarraituko du, 13 jokalariek klubagaz sinatu baitute berriro. Lehenengo nobedadeak atzo ikusi ahal izan genituen: Jose Martinez Oya (Espainiako Mancha Real), Jon Madrazo (Zamudio) eta Luisma Villa (Ingalaterrako Barnet). Era berean, Arenasek Dopi berreskuratu zuen, Somorrostron jokatu ondoren. Halere, arreta gehien piztu duena da Jon Perezek harrobikoengan jarritako esperantzak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun