Saltokiek sortzen dituzten kartoi-soberakinak batzeko atez ateko hondakinen bilketa jarri dute martxan Getxon. Udalak azaldu duenez, neurri horregaz komertzioek sortzen dituzten hondakinen %100 biltzea da helburua, establezimenduetako zaborra kalean ez uzteagaz batera. Ekainean jarri zen martxan neurria, udalerriko 59 saltokitan. Horietako bakoitzari hondakinak non utzi behar dituen eta nola pilatu behar diren jakinarazi zaio. Ez dira edukiontziak erabiltzen, eta ez da hondakinik edukiontzietatik kanpo uzten. Laster, atez ateko bilketa horren zirkuituetan sartuko dira une jakinetan eta sasoiaren arabera kartoi-soberakin kopuru jakin bat sortzen duten komertzioak. Horretarako, 944 315 058 telefono zenbakira deitu behar da, bertan ezagutzera emango dituzte jarraitu beharreko bideak. Kartoi-soberakin gutxi dituzten komertzioek zerbitzu honetatik kanpo egongo dira, horiek paper-edukiontzietan sartu beharko baitituzte hondakinak.
Era berean, hondakin organikoak biltzeko atez ateko sistema jarri zuten martxan arrandegietan, fruta-dendetan eta supermerkatuetan. Zerbitzu hori astelehenetik zapatura ematen da.
Datuak:
Maiatza
Kartoia: 17.900 kilogramo.
Hiri hondakin solidoak: 29.860 kilogramo.
Ekaina
Kartoia: 26.380 kilogramo.
Hiri hondakin solidoak: 42.400 kilogramo.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!