Bederatzi kategorien azkena goizeko 12:30ean irtengo da. Bi urtetik gora, edozein adineko lasterkariak izango dira, nahiz eta txikienek dortsalen erdia jantziko duten. Probaren akaberan atleta denek jasoko dute opari bana. Halere, izango da zertan lehiatu. Gizonezkoen senior kategorian, Ezam Zam-ek bost kilometrorako 2011n egindako marka (14.16) hobetzen saiatuko dira. Izen-emateak Algortako Torrene kaleko Katxa Kirol Moda dendan edo lasterketa abiatu baino 30 minutu lehenago egin daitezke.
Irteerak eta kategoriak
11:30 Txikiak (2-6 urte). Irteera Zabala kaletik: 160 metro.
11:45 Aurre-benjaminak (7-8 urte). Irteera Kantxa Kirol Modatik: 340 metro.
11:50 Benjaminak (9-10 urte). Irteera Kantxa Kirol Modatik: 340 metro.
11:55 Kimuak (11-12 urte). Irteera Kantxa Kirol Modatik: 680 metro.
12:00 Haurrak (13-14 urte). Irteera errepidetik: 995 metro.
12:05 Kuadrillen lasterketa. Irteera errepidetik: 995 metro.
12:10 Gizonezkoak: kadeteak (15 urte), gazteak (16-17 urte) eta junior (18-19 urte). Irteera errepidetik: 1.925 metro.
12:30 Emakumezkoak. Kategoria guztiak (20-34 urte). Irteera errepidetik: 995 metro.
12:30 Senior (20-34 urte) eta beteranoak (35 urtetik gora). Irteera errepidetik: 4.975 metro.