Instalazioen eguzkitzea proiektu arkitektonikoak berak kontrolatzen du eta baita fatxaden tratamenduaren bitartez ere, beren orientazioaren arabera. “Haitzaren itxura duten eta Galeako itsaslabarra gogoratzen duten aldeek eguzkiaren gehiegizkoa eta dituzten zulotxoek argitasunaren sarrera iragaztea ahalbidetzen dute, kanpokoa ikusgarri egiten”, azaldu dute.
Eraikuntzak kristal bikoitza du, bigarren azala, eta kanpoko elementua ikusezineko eta itxura neutroko xafla metalikoa jartzen deneko beira da. Horrek "eguzkia kontrolatzeko ezaugarria" ematen dio. Dagoeneko jarrita dago. Neguan, isolatze termikoa indartuko du eta aldi berean argiaren igortze handia; udan eguzkiaren kontrol eraginkorra bermatuko du.
Horiek guztiak beste neurri batzuekaz osatuko dira, esate baterako, galera energetikoak mugatuko edo galaraziko dituzten itxierak; energia berriztagarrietan (geotermia) oinarritutako klimatizazio sistema, mantentze gastuen aurrezpena ekarriko duena eta aurrezpen energetiko handia ahalbideratuko duena. Horri esker, eraikuntzak A kalifikazio energetikoa lortuko du, eraginkortasun energetikoari lotutako parametrorik handiena.