Aurretik lortutako sariak ondokoak dira: FINI, Mexikoko Irudiaren Nazioarteko Jaialdiaren maila profesionaleko bideo-dokumentalaren lehenengo saria; Rotterdameneko Zine Jaialdiaren barruko R Ejects Radicals Jardunaldien publikoarena; Bartzelonako XI Giza Eskubideen Jaialdiaren film labur hoberenaren saria; eta zilarrezko remia Houstoneko 47. Nazioarteko Zine Jaialdian. "Sari horiek denek erakusten dute Udalak sustatutako sentsibilizazio lan horren kalitatea. Sentsibilizazio hori bultzatzen segituko du Udalak, bere Lankidetzako Garapeneko politikan", nabarmendu du Irantzu Uriarte zinegotziak.
Unai Aranzadi getxoztarraren "Jambo Amani?" dokumentala saritu dute Bolibian
Unai Aranzadi getxoztarrak egindako "Jambo Amani?" (Bakea dugu?) dokumentalak Bolibiako Sucre hiriko Giza Eskubideen Nazioarteko XI. Zinemaldiaren Pukañawi saria jaso du, Getxoko Udalak jakinarazi duenez. Epaimahaiak aipamen berezia ere eman dio filmari, "bere soinu-erregistro onagaz eta argazki bikainagaz, Kongoko milizietako borrokalari ohi batzuek bake, eta errespetuzko bizitza edukitzeko eta senideentzat etorkizun hobeago bilatzeko (indarkeriari uko eginez eta giza eskubideen urraketetatik urruntzen) egiten duten esfortzua erakusten duelako". Aranzadik laguntza nagusi bi izan zituen dokumentala ekoizteko: Getxoko Udalaren sentsibilizazio eta garapenerako heziketako deialdiaren diru-laguntza eta Unesco Etxearen kolaborazioa.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun