Datorren astelehenean, irailaren 28an, Getxoko Udalak antolatutako Guraso-eskolaren ikasturte berriko tailerrei emango diete hasiera. Horien bidez, gurasoek seme-alaben heziketa errazten duen formazio egokia jasotzea ahalbideratu gura dute, hain zuzen ere, mendeko-jarrera posibleen aurrean bizimodu osasuntsuak sustatzeko. Tailerrak udalerriko eskoletako Haur Hezkuntzako, Lehen Hezkuntzako eta Bigarren Hezkuntzako ikasleen gurasoei zuzenduta daude. Doako ikastaroen iraupena hiru, lau edo bost saiokoa izan daiteke, hainbat ikastetxetan, eta ez dago aurretik izena eman beharrik. Nahikoa izango da ikastaroaren lehenengo egunean agertzea.
Irailetik abendura bitartean izango diren tailerren gaiak honakoak izango dira: emozioen kontrola eta estresaren erabilera, adimen emozionalaz hezi, autoestimua familian hobetu, familian gatazkak nola konpondu, psikologiaz hezi, sexualitateaz solasean, nerabeakaz gatazkak nola konpondu.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!