Alangoko errentako etxe horien lehen promozioan, 2 logelako 86 etxebizitza egongo dira (90 metro koadro arteko gehienezko azalera erabilgarriak), logela bakarreko 34 (60 metro koadro arteko gehienezko azalera erabilgarriak) eta 3 gelako 19 etxebizitza (90 metro koadro arteko gehienezko azalera erabilgarriak). Beste 6 etxebizitza mugitzeko zailtasuna duten pertsonentzat izango dira (60 eta 90 metro koadro arteko gehienezko azalera erabilgarriak).
Egokitu gabeko etxebizitzen %60 35 urtetik beherako gazteentzat gordeko dira, %8 guraso bakarreko familientzat eta gainontzekoak kupo orokorrekoentzat.
Onartu eta baztertuen zerrendak hilabete batez egongo dira ikusgai, urriaren 30era arte, honako toki hauetan: udaletxeko iragarkien oholean (Foru kalea 1), udaletxeko, Andra Mariko (Benturillena kalea 17) eta Areetako (Mesedeetako kalea 13) hiritarren arretarako bulegoetan (HAB), udalaren web orrian eta Eusko Jaurlaritzan: Zuzenean Herritarren Arretarako Zerbitzuaren iragarki taulan (Kale Nagusia 85, Bilbo) eta EAEko Administrazio Publikoaren egoitza elektronikoko iragarki-taula elektronikoan.
Errekurtsoak aurkezteko epea ere hilabete batekoa izango da, hau da, urriaren 30ean amaituko da.