Ehun bat lagun atera ziren kalera Getxon joan den aste akabuan, Gudari Eguna zela eta. Zapatuan, hilak 27, Algortan, 40 bat lagunek "eroritako gudarien" aldeko ekitaldi xumea egin zieten Txiki Otaegi (San Nikolas) plazan. Itzubaltzeta/Romon, ostera, 80 lagun inguru elkartu ziren Santa Eugenia plazan. Bertan, "Zulu" Itzubaltzeta/Romoko bizilaguna izan zuten oroimenean, besteak beste. Ondoren, "Beltza" eta "Pagaza" hilik suertatu ziren lekura hurbildu ziren, eta bertan beste ekitaldi bat egin zuten.
Getxoko Ezker Abertzaleak zabaldu duenez, "azken asteko gertakariak (atxiloketak) direla eta, beharrezkoa ikusten dugu atzoko, gaurko eta biharko gudariei merezi duten omenaldia egitea. Argi daukagu, gaur egungo prozesuan murgilduta egonda, kolpe asko jasan izan beharko ditugula, baina ahaztu barik, borrokak izan duen balorea eta garrantzia".
Ohi legez, Erregimen frankistak fusilatu eta 40 urtera, ETA erakunde armatuko kide izandako Juan Paredes Manot "Txiki" zarauztarra eta Anjel Otaegi Etxebarria azpeitiarra gogoratu zituen irailaren 27ko Gudari Egunak. Jose Luis Sanchez Bravo, Ramon Garcia Sanz eta Humberto Baena FRAPeko kideakaz batera erail zituzten.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
