Aurreko edizioan izandako arrakastaren ostean, Azken Izakinak Saltzeko Merkatua egingo dute aurten ere Getxo udalerrian. Hala, azoka berezi horretan parte hartzen duten denek euren produktuak aterako dituzte kalera bihartik zapatura bitartean. Saltoki bakoitzak denboraldi amaierako produktuak jarriko ditu eskuragarri, ohi baino merkeago.
Parte hartuko duten establezimenduak, hiritarrek errazago identifikatzeko, kartela ipiniko dute beren erakusleihoetan. Era berean, udalaren webgunean parte hartzen duten establezimenduen zerrenda egongo da ikusgai, produktuen eta guneen arabera antolatuta.
Euria egiten badu ekimena ez da bertan behera utziko, dendek produktuak barruan edukiko baitituzte, leku berezi batean.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!