Oheak ekimenak emango dio akabua Getxophotori

Getxophoto jaialdiaren bederatzigarren edizioari agur esateko, Algortako Begoñako galerietan proiektatuko dute "Night on Earth" (1991) filma, azpitituludun jatorrizko bertsioan. Horretarako, 15 ohe bikoitz jarri dituzte, Corinne Vionnet eta Anusorn Charoensuk-en erakusketak lagunduz. Urriaren 1etik 3ra izango dira proiekzioak; eguneko saio bi egongo dira: 19:30ean eta 22:00etan, sarrera doan. Lekuak oso mugatuak dira (30 lagun saio bakoitzeko) eta nahitaezkoa da aurretik izena ematea, telefonoz (688 644 461) edo e-posta bidez (getxophoto@gmail.com). Getxophotok adierazi duenez, "oheak pertsona birentzat dira, bakarrik bazatoz beste inorekin oheratu beharko zara".