Asteburupasa mendian: Saioara goaz!

Ungari mendi taldea, Txorimalo Gaztetxea eta Egizu mendira goaz!!! Oraingoan Saioa mendia igoko dugu. Ostiralean 19:00ak aldera Fadurako parkinean elkartu eta asteburuari hasiera emango diogu. Kotxeak hartu eta errepidera. Elizondon afaldu ta jarraian Zugarramurdira, ” Graxiana aterpera”, bertan lo egingo dugu. Behin-behineko egitaraua: Larunbata 17: Gosaldu Zugarramurdin eta Saioa mendira igoera. (Belate portutik), bertan hamaiketakoa ta Elizondon bazkaldu. Dutxa bazkal aurretik edo bazkaldu ostean Lekarozen eta arratsalde gaua Elizondotik bueltatxoa. Igandea 18: Nafarroa Oinez Elizondon. Zirkuituari buelta eman eta erabakitako gunean geratu… arratsalde partean Algortara bueltatu. Esatea, lo zakua eramatea derrigorrezkoa dela. Gastuak – Grazianan ( 23.5 euro- gosaria barne) – Lekarozen (20 euro- gosaria barne) – Kotxeko gastuak (autobideak, gasolina), ostiraleko afaria, larunbatean saiatuko gara askari-afaria prestatzen Lekaroz-en bertan, eta igandeko egun pasa gastuak, norberaren esku. Plan bikaina!!! Mendia, Nafarroa oinez, jende ikaragarria… ezin galdu!!! Anima zaitezte eta izena eman egizugetxo@gmail.com helbidean. ** Aldez aurretik izena eman behar da.