Atzotik, hilaren 1etik, eta aldi baterako, ezin da erabili Getxoko Aparkamendu Araupetuaren Zerbitzua urrutitik ordaintzeko web aplikagarria, ezta sistemako makina automatikoetako txartel-irakurgailurik. Izan ere, amaitu berri da Udalak TAO kudeatzeko ardura zuen Gertek enpresagaz indarrean zuen kontratua.
Zerbitzuaren enpresa esleipendun berriak, Eysak, ahalik eta lasterren ipiniko du erabiltzaileen eskura web aplikagarria eta txartel-irakurgailuak. Dabilenean, horren berri emango zaie hiritarrei.
Horrez gainera, eta zerbitzuaren kudeaketan izandako aldaketa dela eta, erabiltzailearen harretarako bulegoa ere lekuz aldatuko da. Helbide berria, honako hau da: Areetako Ibaigane kalea, 15, 5. solairua, 5. Harretarako telefonoa, berriz, 647 351 412.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!