Algortatik Hanka mugimendu irekia da, Euskal Herrian, eta, zehazki, Algortan "indar polizial errepresiboak" kanporatzeko, eta Guardia Zibila, Espainiako Polizia eta Ertzaintzaren «botere eta zigorgabetasuna» ahuldu eta "haien errepresioa" azaleratzea ditu helburu, besteak beste.
Alde Hemendik Eguna egingo dute bihar Algortan
Hispanitatearen eguna eta Guardia Zibilaren eguna ospatzen da hilaren 12an. Horren aurrean, Algortatik Hanka indar errepresiboen kontrako mugimenduak Alde Hemendik Eguna antolatu du biharko, zapatua. Egun osoko egitaraua prestatu dute egun horretarako guardia zibilek udalerritik alde egin dezaten aldarrikatzeko. Hala, goizeko 11:00etan emango diote hasiera egitarauari, herriaren apainketagaz. Horren ostean, tripak betetzeko eta indarrak berreskuratzeko bazkaria egingo dute Villamonteko plazan, bost euroren truke. Ondoren, bertatik abiatuta, kontzertu ibiltaria egingo dute Estricalla musika-taldeagaz batera.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun