Bizkaia Kirolak sariek duten helburua da "Bizkaiko pertsona fisiko eta juridikoei berez kirol arloan egin duten lanagatik jendaurrean eskerrona aitortzea", foru iturrien arabera. Bizkaia Kirolak sarien irabazleak aukeratzeko izendatutako epaimahaiak, Lorea Bilbao Euskara eta Kultura diputatua buru izan duena, aurtengo irabazleak hautatu ditu. Denera, 31 hautagai aurkeztu ziren sarien zortzi kategorietara, eta honako hauek aukeratu dituzte irabazle:
- Kirol talde edo elkartearentzako saria: Itxartu kirol elkartea.
- Jolas kirolaren eremuaren arloan (beteranoak) egindako lana dela eta, pertsona edo erakunde bati emandako saria: Getxo Arraun elkartea.
- Ikastetxearentzako edota Guraso Elkartearentzako saria: Portugaleteko Andra Maria Ikastetxea.
- Kirol federazioarentzako saria: "ex aequo", Bizkaiko Errugbi Federazioa eta Bizkaiko Boxeo Federazioa.
- Kirol ibilbidearentzako saria: Sabin Uriarte Bengoa, Bizkaiko Halterofilia Federazioko burua.
- Desgaitasunen bat duten pertsonek eta pertsona horientzat egindako kirolaren arloko pertsona eta erakundearentzako saria: Aitor Oroza Flores.
- Toki administrazioko erakundearentzako saria: Ermuko Udala - Mugi.
- Erakunde edo pertsona babeslearentzako saria. kategoria honetan ez da saririk eman, hautagairik egon ez delako.