Atxiloketa goizaldeko 03:15ak aldera jazo zen, polizia-auto batean zihoazen udaltzainek ibilgailu bat era irregularrean zebilela ikusi ondoren, ibilbide zuzena eroan ez eta oso astiro zihoalako.
Ibilgailuaren irregulartasunaren zergatia aztertzeko asmoz, ibilgailua gelditu zuten. Hori egitean, poliziek 27 urteko gizonezkoa edari alkoholdunen eraginpean egoteko "zantzu garbiak" ikusi zituzten, Udaltzaingoak zabaldutakoaren harira. Alkoholemia-proba egin zioten eta horretan 0,94mg/l eman ei zuen, baimendutakoa baino lau aldiz handiagoa.
Hori dela eta, atxilo eroan zuten bide segurtasunaren kontrako delitua egin izana egotzita. Era berean, autoa ibilgetu zuten.