Hala, birziklatzeak alor partikularrean, sozialean, ekonomikoan eta ingurumenean dakartzan abantailen inguruko informazioa emango zaie herritarrei, edukiontzi desberdinetan bota daitezkeen hondakinen tipologia guztia zehazteaz gain. Postontzietan diptikoak banatzeaz gainera, karpa bi ipiniko dituzte informazio hori guztia emateko, hainbat tailer eta jolas antolatzeagaz batera. Informazio-gune horren egutegia honakoa izango da:urriak 16, barikua, 10:30etik 14:30era Algortako Bidezabal plazan; urriak 17, zapatua, 10:30etik 14:30era Algortako Telletxe plazan; urriak 22, eguena, 10:30etik 14:30era Areetako Eskoletako plazan; urriak 23, barikua, 17:00etatik 21:00etara Areetako Xake plazan; eta urriak 24, zapatua, 10:30etik 14:30era Algortako San Nikolas plazan.
Birziklatu beharra azaleratzeko kanpaina abiatu du Getxoko Udalak
Hondakinak gaika batzeak eta birziklatzeak duten garrantziaz herritarrak jabetzeko asmoz, kalera aterako da Udala, Ecoembes eta Ecovidrioren laguntzagaz. Informazio- eta sentsibilizazio-kanpaina berri bat izango da, "Hondakin bakoitza dagokion edukiontzira! Getxo birziklapenaren alde" goiburupean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun