Algortako Merkatuak "showcooking" izeneko jarduera hartuko du bihar, zapatuan, goizeko 12:00etan. Bertan Algortako Dando la Brasa jatetxeko Natxo Apacetxe eta Bilboko Kimtxu-ko Ivan Abril sukaldariek hainbat jaki prestatuko dituzte jendaurrean.
Ekitaldian, aipatutako jatetxe bakoitzean bina pertsonentzako afari bat zozketatuko dute.
Jarduera hori Basquetourrek eta Eusko Jaurlaritzak Euskal Herriko ohiko azokak sustatzeko asmoz bultzatutako "Sukaldaritza sortzen" ekimenaren barruan kokatzen da.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
