Getxoko Udaleko Gazteria Zerbitzua su-itzalgailuak eta botikinak banatzen hasi da "Gaztelonjak" programan parte hartzen duten lonjen artean. Gaur egun, 40 gazte lonja ingurugaz lan egiten ari dira (udalerrian daudenen %50, Udalak zabaldu duenez). Hala, horiei orientazioa, aholkularitza, laguntza eta, beharrezkoa balitz, bitartekaritza eskaintzen zaie, udalerrian gai horren inguruan sortutako zenbait eskaera eta beharrei erantzuna emateko.
Datozen hilabeteetan gainerako su-itzalgailuak jarriko direla aurreikusi du Udalak, lonjen erabiltzaileek programan parte hartzeko eskaera egiteagaz batera.
Programan parte hartuz gero, bi su-itzalgailu eta botika-kutxa dohainik jartzeaz gain, esku hartze zerbitzua ere zuzenean eskatu ahal izango da. Horren truke, lonjek zenbait datu eman behar dituzte, besteak beste, kontaktu bat, baimena (adingabeen kasuan) eta instalazio elektrikoa araututa dagoela frogatzen duten agiriak, besteak beste.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
