Bihar, zapatuan, berbaldia emango du Joseba Narbaiza espezialistak. Bizkarra zelan zaindu izango da gaia, eta hitzordua Fadurako ekitaldi-aretoan ipini dute, 17:30ean. Getxo Kirolak erakundeak zabaldu duenez, Narbaizak min ohikoenak zein diren zehaztuko du, eta horiek saihesteko jarrerak eta ariketak proposatuko ditu. Sarrera doakoa izango da.
Narbaizaren hitzaldiak osatzen du gaur Getxo Kirolak udal erakundearen fitness- eta muskulazio-zerbitzuak antolatutako ate irekien eguna. Ekimena adin denetako emakumeei dago zuzenduta, Getxo Kirolen abonatuak izan ala ez. Ate irekien eguna doakoa da, eta Fadurako eta Gobelako gimnasioetan egiten dabiltza, ekipamendu horiek berritzeko programaren barruan.
Berrikuntzak
Izan ere, pasa den udaberrian hasi ziren muskulazio-makina gehienak aldatzen. Bertara hurreratuko diren emakumeek aukera izango dute entrenatzeko, eta adinaren eta baldintza fisikoen araberako beharretara egokitutako hainbat ariketa-taula ezagutzeko.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
