Aurten epaimahai bakarrak bisitatu ditu establezimendu guztiak eta horren arabera, lehiaketak "maila ona" izan du. Epaimahai kideak hurrengoak izan dira: Jabi Legina, txokoko sukaldaria; Fernando Elkoroiribe, Leioako Ostalaritza Eskolakoa; Joan Ramon Lopez, "Larrialdietarako sukaldaritza" blogeko kidea; Miren Lauzirika, "Art for life" izenekoaren sortzailea; eta Ibon Astorkiza, euskaltegiko irakaslea. "Gure helburua euskararen erabilpena sustatzea da, eta horregatik esparru ez formaletara ere eramaten dugu. Eskerrak eman nahi dizkiegu ostalariei eta getxotarrei egindako esfortzuagatik”, azaldu du Koldo Iturbe Euskara zinegotziak.
300 hitz goxo baino gehiago bildu dituzte "GetxOn egin" VI. Pintxo Lehiaketan
.JPG)
Algortako Batzoki tabernak egindako "Buzkantzabarri" pintxoak irabazi du "GetxOn egin" VI. Pintxo Lehiaketaren pintxo onenaren saria. Euskararen erabilera onena, berriz, Lau Bide tabernak irabazi du, "Gora Behera" pintxoagaz. Barrarik onenaren saria Nikkou tabernak lortu du eta Villamonte tabernak egindako "Jai-Alai.com" pintxoa izan da tradizionalaren saria irabazi duena. Hitz goxoei dagokionez, Gorka Erauzkinek Baster tabernan botatakoa izan da irabazlea: "Atun ta tipula gorria, hau bai dela armonia"; bigarrena Iñaki Zunzunegiren "Ogi, gaztaia eta intxurre, osasunerako urre" izan da. Guztira, 318 hitz goxo jaso dira.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun