Getxoko 13 taldek aurkeztu dituzte lanak Beldur Barik lehiaketara. Jarduera horretan, emakumeek jasaten duten bereizkeria-egoerari aurre egiten dioten neska-mutilen arte-adierazpen mota oro onartu, baloratu eta bultzatzen da. Lan horiek errespetuan, berdintasunean, askatasunean, autonomian, erantzukizunean eta indarkeria sexistaren gaitzespen irmoan oinarritutako jokabide eta jarrerak izan behar dira. Aurkeztutako proiektu guztien herritarren bozketa hilaren 21etik 25era arte izango da.
Bestalde, azaroaren 25era arte egongo da zabalik Amurrion azaroaren 28an izango den Berdinsareak antolatutako Beldur Barik Topaketara joango diren doako autobusetarako izena emateko epea. Topaketan tailerrak, ekintza kolektiboa, musika eta lehiaketaren sari banaketa izango dira. Horri buruzko informazioa www.beldurbarik.org webgunean aurki daiteke.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!