Bazkarirako txartelak erosteko azken eguna azaroaren 25a izango da: Algortako Salem, Baserri eta Baster tabernetan; Itzubaltzeta/Romoko La Mona tabernan; eta Areeta Monedero harategian salgai daude. Helduek 11 euro ordaindu beharko dute, eta haurrek 8 euro. Barazki-jale edo alergikoentzako menua ere badago. Horretatako, deitu 944 910 387 telefono zenbakira edo idatzi info@bizarralepoan.org helbidera.
ALBEk, Bizarra Lepoanek, Azebarrik, Egizuk eta HIRUKAk badaukagu zer ospatu, hain zuzen ere, urteurrenak eta sortu berri diren elkarte eta komunikazio proiektuak: ALBEk 35 urte betetzen ditu, Bizarra Lepoanek 20 urte, Egizuk 15 urte, Hiruka eta Azebarri sortu berri dira eta ibilbide oparoa daukate egiteko.
Hori guztiagatik, eta gehiagogatik ere, egun osoko egitaraua antolatu dugu azaroaren 28rako, zapatua. Herritar denekaz jai giroan ospatu gura dugu gaur egunera arte heldu izana eta datorkigunari ere irrifarrez ekiteko asmoa daukagu. Goizeko 11:00etatik aurrera ekitaldiz beteriko eguna datorkigu haur, gazte zein helduentzat.