Xabier Pereda karateka getxoztarra munduko bigarrena da gazte-mailako Katan, pasa den asteburutik. Izan ere, zilarrezko domina jantzi zuen Indonesiako Jakarta hirian jokatutako munduko txapelketan.
Pereda brontzea izan zen 2013ko mundialean, eta Europako txapelduna, 2014an. Hala ere, aurtengo Europako Txapelketan hirugarren geratu zen.
Sara Pablos borrokalari getxoztarra, ostera, podiumean sartzeko urrats batera lotu zen. Pablos laugarren sailkatu zen kadete-mailan. Getxo Karate Klubeko kide biak Espainiako Federazioagaz lehiatu ziren.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!