Hiru bider ezkondu zen Lorea Gernika, eta beste horrenbesteko banantzeen edo alarguntzeen ostean –ez dago garbi– nahikoa eusko bildu zuen bizimodu erosoan atsegin hartzeko. “Hortxe kokatu dut protagonista; mundua ulertzeko arazoekin, hunkiberatasunean, alegia, gizonezkook emakumea kondenatu izan dugun topikoan”, dio Izagirrek. “Topikotik irteteko, Lorea Gernikak egin dituen saioen bilduma” da liburu hori, idazlearen arabera. Umorea eta malenkonia batzen ditu.
Uribe Kostako Irakurzaleen Txokoak (UKITX) gonbidatuta, eguen honetan, azaroak 26, Koldo Izagirre idazleak emango du berbaldia Algortako Villamonte kaleko kultur etxean; "Lorea Gernika, andrazko bat" (2015, Susa) bere azken eleberriaren inguruan egingo du berba pasaitarrak. Hitzordua 19:30ean ipini dute; sarrera, doan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun