Gotzon Bilbaoren oroimenez antolatzen den Getxoko Boleibol Txapelketaren zortzigarren edizioa bariku eta domeka bitartean jokatuko da Algortan. Aixerrota BKT klubak Euskadi, Katalunia eta Asturiasko emakumezkoen 14 eta 19 urtez azpiko talderik onenak bilduko ditu Faduran.
Estatuan ospe handia duten klubek hartuko dute parte: Kataluniako Sant Cugat eta Espluges eta Asturiasko La Calzada, besteak beste. Horrez gainera, boleibol euskal talderik onenak ere Algortan izango dira, hala nola: Lekeitio, Sestao, Galdakao eta etxeko Aixerrota BKT, aurten haur, kadete eta gazte mailatan Euskadiko txapelketak irabazi dituena.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!