Bihar arte, barikura arte, iraungo dute Algortako Ollarretxe kaleko lorezaintza-lanak. Aipatu obrak, kale hori urbanizatzeko lanen barruan kokatzen dira. Getxoko Udalak egingo dituen lorezaintza behar horiek direla eta, 30 zuhaitz berri landatuko dira (17 Albizia julibrissin, 6 laranjondo, 2 gurbitz eta 5 Cercis siliquastrum); halaber 36 metro koadroko kolorezko zuhaixka eta 12 metro koadroko sasoiko lore landatuko dituzte.
Landatze horiekaz, Ollarretxe aldeko estetika hobetu nahi dute. Horregaz batera, udalerriko zuhaitz-ondarea handitu nahi dutela azaldu dute, orain arte Getxon ia existitzen diren espezieakaz.
Azkenik, 7 arbola ebakiko dituzte (3 urki eta 4 arbustu); egoera txarrean daude eta segurtasun arrazoiengatik kendu behar dira.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
