Lehiaketa Donostian jokatu zen, pasa den azaroaren 14an. Klub areetarrak 30 kirolari baino gehiago eroan zituen Gipuzkoako hiriburuko Benta Berri udal kiroldegira. Arraun-ergometroko proba horretan, 400 arraunlarik baino gehiagok parte hartu zuten, adin denetako eta gaitasun fisiko orotako kirolariak. Raspasek lortutako bederatzi dominetatik, lau urrezkoak izan ziren (hiru gizonezkoetan, eta bat emakumezkoen kategorian), bi zilarrezkoak (biak ere gizonezkoetan), eta hiru brontzezkoak (bi gizonezkoetan, eta bat emakumezkoetan). Gizonezkoen marka onenaren garaikurra ere Raspasek eskuratu zuen. Herri-estropada minutu biko proba izan zen, 12 urte azpiko kategoriakoentzat; 1.000 metrokoa, 16 urte azpikoentzat, eta 2.000 metrokoa, gainerako mailakoentzat.
Raspas Arraun Elkartea, Donostian nagusi
Raspas Arraun Elkarteko arraunlariek bederatzi domina lortu zituzten Estalpeko XVII. Herri-estropadan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun