Udalaren ordutegi-araudiak baimentzen duen gehienekora zabaldu ahal izango dute udalerriko ostalaritza-lokalek urtarrilaren 6ra arte. Hala, abenduaren 18, 19, 24, 25, 26 eta 31n eta urtarrilaren 1, 2 eta 5ean (bariku, zapatu eta jai-bezperak) 2. taldeko lokalak (kafetegiak eta tabernak, besteak beste) 04:30era arte zabaldu ahal izango dute; 3. taldekoek (pub eta klubak) 06:00etan itxi ahal izango dute; eta 4. taldekoek (diskotekak) 08:00etan.
Gabonetako gainerako egunetan, 2. taldekoek 03:00ak arte zabaldu ahalko dute; 3. taldekoek, 04:30era arte; eta 4. taldekoek, 06:30era arte. Bestalde, aipaturiko ordutegiaren luzatze horrek ez du eraginik izango terrazetan. Horiek 09:00etatik 23:00etara arte zabalik egoteko baimena izango dute; bariku eta jai-bezperetan, berriz, 24:00etan itxi beharko dituzte.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!