Pasa den abenduaren 24an, ordu erdiaren munduko marka apurtu zuen, 9.234 metroko distantzia eginez. 1994az geroztik amerikar batek zeukan marka, 9.162 metro, gainditu zuen. Marcosek egindako batez bestekoa 1.37,04-koa izan da, 500 metroko.
Bigarren errekorra joan den zapatuan iritsi zen, urtarrilaren 2an, maratoi distantzian, 42 kilometro eta 195 metro, alegia. Proba horretan, 2 ordu 25 minutu eta 37 segundoko denbora egin zuen, 2006az geroztik alemaniar batek zuen marka hamar segundotan jaitsiz.
Raspas Arraun Elkarteko entrenatzaile eta arraunlariak prestatzeko aldian erdietsi ditu lorpen gogoangarri bi horiek. Izan ere, bere asmoa da lehiatzea Ergometroko Munduko Txapelketan, datorren otsailaren 28an Bostonen (AEB) jokatuko dena. Txapelketa horretan, 40-49 urteko kategorian parte hartuko du Marcos Moralesek, pasa den urtarrilaren 4an kirolari argentinarrak bere berrogeigarren urteurrena ospatu baitzuen. Urtarrilean, Marcos marka berriak hausten saiatuko da, kategoria berrian.