Getxok bere eskaintza turistikoa aurkeztuko du Madrilen

Iker Rincon Moreno 2016ko urt. 20a, 11:20

Portu Zaharra da Getxoko erakargarri turistikoetako bat.

Beste urte batez, Getxoko Udalak bere eskaintza turistikoa aurkeztuko du Madrilen gaur hasi den Fitur Nazioarteko Turismo Azokan. Getxoko eskaintza turistikoa Eusko Jaurlaritzako Turismo Sailaren "Euskadi-Basque Country" izeneko erakustokian aurkeztuko dute. Aurtengo irudia euskal mitologia izango da, eta produktu berriak estreinatuko dituzte, hala nola familia-turismoa, ongizatea, golfa eta euskal mitologia. Azken hori Toti Martinez de Lezea idazleagaz aurkeztuko dute. Azoka domekara arte egongo da zabalik.

Erakustokiak Bilboren eta Bizkaiaren erakargarri turistikoak biltzen ditu, Bizkaiko Foru Aldundiak koordinatuta. Getxok udalerria sustatzeko informazio-liburuxka berria jasotzen duten txosten turistikoak eskainiko ditu. Kolorez egindako liburuxka da, hainbat gai hartzen dituena: natura, monumentuak, kalitatea, kultura eta kirola.

"Euskadi-Basque Country" erakustokia beste bi hiriburuetako eskaintzek osatzen dute: Arabako Errioxak eta Euskadiri buruzko informazio orokorrak.

Erakustokian, aurkezpen ofizialez gain, hainbat jarduera egingo dira aste-akabuan, besteak beste, pintxo-pote solidarioa (bildutako dirua CEAR-Euskadirentzat izango da), Euskal mitologiaren inguruko euskal dantzak edo Euskal mitologiari buruzko kontakizunak Toti Martínez de Lezearen eskumenez.

Jendartea Getxo

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!

Izan zaitez HIRUKAlagun